Исклучително студеното време во Италија предизвика осум жртви, пренесоа американските медиуми.
Меѓу настраданите има и двајца бездомници, од кои едниот бил пронајден мртов во приземеје од една напуштена зграда во Милано, а вториот починал на улица, крај реката Арно во Фиренца.
Во западна Германија студот и замрзните сообраќајници беа причина за мноштвото инциденти на патиштата.
Во Хамбург пожарникарите биле повикани да укажат помош во 415 инциденти, поврзани со голомразицата.
Луѓето во Германија се повикуваат да не излегуваат надвор заради студот. На одредени места, заради влошените метеоролошки услови, јавниот транспорт има нов распоред на возење.