Осум деца загинаа и две се ранети во самоубиствен напад во источен Авганистан.
Напаѓачот-самоубиец активирал експлозив до патрола на авганистански и сили на НАТО во градот Хост. Загинал еден полицаец кој се обидел да го совлада напаѓачот.
Претходно беше извршен самоубиствен напад до Министерството за одбрана во Кабул каде загинаа девет цивили. Одговорноста за нападот ја презедоа талибанците.