Европскиот суд за правата на човекот ја осуди Турција за прекршување на слободата на изразување заради праксата да го блокира достапот до повеќе сајтови на Интернет, соопшти турскиот весник на англиски јазик „Хуриет дејли њуз“.
Судот вчера утврди дека турската држава на турскиот државјанин Ахмет Јулдирим треба да му плати казна во износ од 7.500 евра, затоа што против Турција повел постапка заради блокирање на Google Sites, што довело до губење на пристапот до неговата лична интернет страница.
Јилдирим на сајтот објавувал информации за својата академска работа, како и своите погледи и ставови за серија прашања.