Акбаржон Џалилов, за кој се претпоставува дека е извршител на нападот во метрото во Санкт Петербург на 3 март, влегол во Турција кон крајот на 2015 година, а една година подоцна бил депортиран во Русија поради кршење на миграциските правила, изјави висок турски претставник.
Во нападот загинаа 14 лица, а десетици беа повредени.
Турскиот претставник наведува дека додека престојувал во Турција, Џалилов „бил сомнителен поради некакви врски кои ги имал, но против него не биле преземени дејствија, бидејќи не извршил ништо противзаконско и немало докази за криминал“.
– Ова лице беше протерано од Турција во декември 2016 година поради нарушување на визниот режим и правилата за престој, истакна турскиот претставник.