Седумчлено француско семејство која беше киднапирано на север на Камерун и однесено во Нигерија е ослободено, соопштија локалните власти.
-Сите се живи и здрави – изјави претседателот на владата на Камерун, Фердинанд Нго Нго.
Според неговите зборови целото семејство е предадено на властите на Камерун.
Семејството беше на одмор кога во февруари беше грабнато од вооружени лица во близина на границата со Нигерија, кај националниот парк Ваза.
Киднаперите кои за себе тврдат дека се припадници на нигеријската исламистичка група Боко Харам, објавија видео снимка од киднапираното семејство и се заканија дека ќе ги убијат, доколку властите во Нигерија и Камерун не ги ослободат од затвор екстремните муслимани.
Елена Георгиевска