Британскиот учител, киднапиран во Јемен, ослободен е по пет месеци заробеништво, соопштио синоќа британската Влада.
Учителот Мајк Харви беше киднапиран во главниот град на Јемен, Сана на 12 февруари, откако излегол од една образовна институција.
Портпаролот на британското Министерство за надворешни работи изјави дека Харви е во Амбасадата на Велика Британија во Јемен и оти набрзо ќе биде со своето семејство.
Јеменските безбедносни служби и племенските лидери соопштија дека Харви е ослободен откако за него било платено откуп. Други племенски лидери изјавија дека тој бил киднапиран од екстремисти поврзани со Ал Каеда.