Портпаролот на Кремљ, Дмитриј Песков, денеска изјави дека Москва постојано укажува дека оружјето испратено во Украина може да се најде и во други делови на светот, со што ја предупреди меѓународната заедница за уште една негативна страна од вмешаноста на Западот во конфликтот.
„Заканата е актуелна“, рече Песков, коментирајќи ја последната изјава на израелскиот премиер Бенјамин Нетанјаху.
Израелскиот премиер изјави дека земјата веќе регистрира западно оружје што се доставува до Киев во близина на нејзините граници.
„Ние претходно кажавме дека оружјето во Украина го продаваат различни групи на местата каде што е можно, како и дека Киев не може да обезбеди стабилна ситуација во однос на оружјето што го добива од Запад. Тоа е опасност за безбедноста на светот“, предупредува Кремљ и денес.