Унгарскиот премиер Виктор Орбан одржа прес-конференција во Будимпешта. Новинар на телевизијата N1 го праша Орбан дали шалот што го носеше во ноември, на кој беше прикажана карта на Велика Унгарија, е провокација.
„Тука нема ништо посебно. Ова е земја стара 1.100 години, опкружени сме со историски симболи“, рече Орбан, а неговите зборови на Твитер ги пренесе Золтан Ковач, портпарол на кабинетот на унгарскиот премиер.
„Ако сакав да провоцирам, можев да најдам многу подобар начин да го направам тоа“, рече Орбан.
I would urge everyone to start peace negotiations as soon as possible.
— Zoltan Kovacs (@zoltanspox) December 21, 2022
„Секогаш правам јасна разлика помеѓу она што тие го нарекуваат „голема Унгарија“ и она што јас го нарекувам „историска Унгарија“, рече Орбан.
Унгарскиот премиер Виктор Орбан во ноември за време на пријателскиот натпревар меѓу репрезентацијата на неговата земја и репрезентацијата на Грција во Будимпешта носеше шал со карта на Велика Унгарија околу вратот.
Шалот ги прикажа границите на поранешното унгарско кралство, во кое спаѓаат денешна Австрија, Хрватска, Романија, Србија, Словачка и Украина. Мапите на историскиот регион ги вклучуваат териториите што Унгарија ги загуби во 1920 година, по Првата светска војна.
View this post on Instagram
Соседите на Орбан и европските лидери реагираа крајно негативно на оваа порака.