Унгарскиот премиер Виктор Орбан денеска изјави дека Унгарија е обвинета за проруски ставови, но дека земјата е „на страната на мирот од самиот почеток“.
„Кога не обвинуваат дека сме проруски настроени, запомнете дека и Соединетите Американски Држави беа обвинети дека се проруски настроени. На почетокот само Ватикан и Унгарија ја имаа таа позиција, но сега и САД. Многу луѓе овде размислуваат вака, јас би им честитал на тоа“, рече Орбан отворајќи ја пролетната седница на унгарскиот парламент, пренесува Телекс.
Орбан изјави дека, според сегашната позиција на Унгарија, Украина не може да се приклучи на Европската Унија.