Унгарскиот премиер Виктор Орбан го изрази своето мислење дека Украина на крајот ефикасно ќе биде поделена меѓу Русија и Западот.
„Украина ќе биде поделена меѓу Русија и Западот, а ова е реалност што сите сега ја прифаќаат“, рече Орбан на митинг на владејачката партија ФИДАС, неговите зборови ги пренесе унгарскиот новинар Чаба Тот на X.
Според Орбан, Украина ќе биде поделена на руска, западна и демилитаризирана зона.
Како што истакна, лидерите на ЕУ треба да одат во Москва и да склучат безбедносен договор со Русија што би предвидувал дека Украина нема да стане членка на ЕУ и НАТО.
„Европа, во суштина, не треба да чука на вратата на Вашингтон, туку да оди во Москва и да склучи безбедносен договор меѓу Европската Унија и Русија. Не само за Украина, туку и за безбедноста меѓу ЕУ и Русија. Очигледно ќе биде наведено дека Украина нема да биде членка ниту на НАТО ниту на Европската Унија, но би можело да вклучи и – и мислам дека Унгарија би можела да го поддржи ова – договор за стратешка соработка меѓу Украина и Европската Унија“, рече Орбан.