Унгарскиот премиер Виктор Орбан изјави дека конфликтот во Украина ќе заврши само кога и Западот и Киев ќе ја прифатат реалноста дека Украина не може да стане членка на НАТО.
Oрбан рече дека единственото решение е дипломатија и моментален прекин на непријателствата, што, потсети тој, е ставот што Будимпешта го застапува од почетокот на ескалацијата на конфликтот.
– Мирот ќе дојде кога и Европејците и Украинците ќе го прифатат фактот дека Русија никогаш нема да дозволи НАТО да биде присутен на нејзината западна граница во Украина, рече Орбан на младински фестивал во Естергом.
Унгарија постојано се спротивставува на влезот на Украина во НАТО, тврдејќи дека таков потег би претставувал директен ризик од вовлекување на Европа во поширока војна со Русија. Од февруари 2022 година, кога ескалираше конфликтот, унгарските власти одбиваат да испратат оружје во Киев и постојано повикуваат на преговори.
Кремљ постојано изјавува дека членството на Украина во НАТО претставува директна закана за националната безбедност на Русија и изјави дека желбата на Киев да се приклучи на Алијансата е една од главните причини за конфликтот. За Москва, проширувањето на НАТО кон границите на Русија е „црвена линија“, поради што ја смета кандидатурата на Украина за апсолутно неприфатлива.