Унгарскиот премиер Виктор Орбан денеска ги повика своите сограѓани да излезат масовно на утрешниот референдум за отфрлање на квотите што ги определи Европската комисија за пререспределба на мигрантите меѓу земјите членки на ЕУ, нагласувајќи дека тој е од судбинско значење не само за Унгарија, туку и за целата Унија.
– Утрешниот референдум треба да го привлече вниманието на целиот свет, Ние ќе решеваме за едно прашање кое е поврзано со судбината на Унгарија и на ЕУ, изјави Орбан во интервју за весникот „Маѓар Идок“.
Орбан натаму наглеси дека во политиката се случуваат грешки, но дека Унгарија не смее да си доволи грешка од ваков тип.
– Не смееме да ја ризикуваме иднината на Унагарија, Неконторлираната миграција претставува реална закана, потенцира Орбан, додавајќи дека „ако резултатот од референдумот биде убедлив, тогаш Унгарија ќе биде посилна“.
Европската комисија минатата година предложи план за пререспределба на мигрантите што се наоѓаат во Грција и Италија меѓу земјите членки на ЕУ според утврдени квоти. Главни противници на ваквиот предлог на Брисел, покрај Унгарија, се и Полска, Словачка и Чешка.