ОН повикаа на воздржаност од сите страни во источна Украина

Од:

Обединетите нации повикаа на воздржаност од сите страни во источна Украина поради новите инциденти со гранатирање денеска, со што е прекршен прекинот на огнот според Договорот од Минск.

„Доколку се потврдат, не смее да се дозволи дополнително да ескалираат. Ги повикуваме сите страни на максимална воздржаност во овој чувствителен момент“, рече Розмари ди Карло, генерална потсекретарка на ОН за политички прашања, на состанокот на Советот за безбедност за Украина.

Ди Карло ја нарече „исклучително опасна“ моменталната ситуација, со, како што велат САД, околу 150.000 војници позиционирани на границата со Украина за можна инвазија.

Таа ги нарече прашањата во основата на конфронтацијата „комплексни и долгогодишни“.

„Иако навидум нерешливи, со оглед на влоговите вклучени за нашата колективна безбедност и европска стабилност, овие прашања можат и мора да се решат преку дипломатија“, рече Ди Карло.

Извор: МИА

Би можело да ве интересира

Русија негира дека Келог бил исфрлен од преговорите на нивно барање

Русија: Продолжуваме со брз напредок во Курск

Вашингтон пост: Путин сака да ја контролира Украина

Руте повика на нормализација на односите со Русија

Зеленски: Унгарија е единствената земја што го блокира членството на Украина во ЕУ

Руте: Земјите-членки на НАТО мора да произведуваат повеќе оружје