Канцеларијата на ОН за координација на хуманитарни прашања (OCHA) објави дека од 136.000 деца на возраст од шест месеци до пет години прегледани од агенциите за помош во Појасот Газа во јули, 11.877 биле идентификувани како акутно неухранети, што е највисока месечна бројка досега регистрирана.
Во првите две недели од јули, 56.000 деца биле прегледани, а кај 5.000 било утврдено дека страдаат од акутна неухранетост – речиси девет проценти, во споредба со шест проценти во анкетата спроведена во јуни и 2,4 проценти во анкетата спроведена во февруари за време на второто примирје меѓу Израел и Хамас, објави „Тајмс оф Израел“.
ОН не прецизираше кои организации ги спроведуваат прегледите, а бројот на деца што се проценуваат варира од месец до месец.