ОН соопштија дека не можат да достават хуманитарна помош за 600.000 луѓе во два сириски града под контрола на џихадистите на Исламска држава.
Помошникот на генералниот секретар на ОН и заменик координатор за итна помош Канг Кјунг-ха, рече во обраќање до СБ на ОН, дека жителите на упориштата на ИД сирискиот град Рака и градот Деир ел Зур, не добиле никакви испораки на храна во декември, бидејќи ОН немаат договор со вооружените групи таму.
Во месечниот извештај на ОН се наведува дека се тешки напорите на светската организација да достави храна и друга хуманитарна помош на милиони заробени во Сирија во текот на четиригодишната граѓанска војна.
– До околу 4,8 милиони Сиријци или околу 40 отсто од вкупните 12,2 милиони луѓе на кои им е потребна хуманитарна помош, тешко се доаѓа, наведе Канг.