Во октомври оваа година, најмалку 183 лица загинаа, меѓу кои девет деца, а други 903 беа повредени во руско гранатирање, се наведува во месечниот извештај на мисијата за набљудување на човековите права на ОН во Украина.
Забележано е дека 80 проценти од жртвите (смрт и повреди) биле регистрирани во близина на линијата на фронтот како резултат на воздушни бомбардирања, артилериско гранатирање, напади на MLRS и беспилотни летала.
Повеќето од загинатите и повредените се во регионите Доњецк, Харков и Херсон, се наведува во соопштението на ОН.