Светската програма на Обединетите нации за храна вчера одобри помош во храна за Северна Кореја во вредност од 200 милиони долари.
– Извршната канцеларија на Агенцијата одобри оваа недела нова двегодишна прорама за Северна Кореја од 1 јули, изјави нејзиниот портпарол Марк Прејр.
Тој истакна дека програмата е насочена кон 2,4 милиони лица – речиси сите деца, бремени жени и доилки и таа опфаќа околу 207 илјади тони храна, која треба да биде произведена од Северна Кореја, од продукти доставени од Светската програма за храна.
Според ОН, оваа помош ќе овозможи да се избегне кризата со храна оваа година во Северна Кореја, каде две третини од 24-милионското население живее во крајна сиромаштија. Околу 28 проценти од децата под пет години страдаат од хронична неухранетост, а четири проценти од сериозен недостиг на прехранбени продукти.