Запрашан за твитот на неговата придружничка Валери Триервеилер која застана на страната на противникот во парламентарните избори на поранешната придружничка на Фрасноа Оланд и мајка на неговите четири деца, Сеголен Роајал, францускиот претседател изјави дека тој се залага „за јасна поделба меѓу јавниот и приватниот живот“.
Според Оланд приватните работи треба да се решаваат приватно, тоа им го кажал на неговите блиски соработници. Понатаму францускиот претседател ја отфрли секоја измена за промена на статутот на првата дама, тврдејќи дека тој постои откако постојат општи претседателски избори.
„Валери сака да си ја зачува професијата (новинар), јас ја разбирам. Таа ќе биде присутна покрај мене кога протоколот тоа ќе го бара, истакна Оланд“, додавајќи дека не е лесно да се заземи позицијата на „прва дама“.
Телевизиските камери за време на веоната парада на Елисејските полиња со внимание ја следеа првата француска дама. Попладнево Елисејската палата е отворена за посета за француските граѓани и во знак на штедење францускиот претседател годинава не организира четиринаесетјулска забава во Елисејската палата.