Францускиот претседател Франсоа Оланд изјави дека на 6 јуни во северниот дел на Франција во „четири очи“ ќе разговара со рускиот претседател Владимир Путин за кризата во Украина.
Средбата ќе биде одржана во рамките на одбележувањето на 70-годишнината од десантот на Нормандија изјави Оланд пред новинарите во Брисел по работната средба на 28-те шефови на држави и влади на земјите членки на ЕУ.
На почетокот на месецот беше потврдено дека Путин ќе присуствува на церемонијата по повод одбележувањето на 70-годишнината од Денот Д во Нормандија.
Оланд претходно изјави дека Путин е добредојден да присуствува на церемонијата наспроти ситуацијата со Украина.
– Можеби имаме несогласувања со Владимир Путин, но не заборавам и никогаш нема да заборавам дека рускиот народ даде милиони жртви за време на Втората светска војна, изјави тогаш Оланд.
Церемонијата по повод 70-годишнината на одбележувањето на Денот Д ќе биде одржана во Норманија на 6 јуни, а ќе присуствуваат британската кралица Елизабета II, германската канцеларка Ангела Меркел и американскиот претседател Барак Обама.