Германскиот канцелар Олаф Шолц денеска изјави дека неговиот телефонски разговор со рускиот претседател Владимир Путин покажал дека рускиот лидер не го променил начинот на размислување за војната во Украина.
Шолц пред новинарите на аеродромот во Берлин, пред да замине на самитот на Г20 во Бразил, изјави дека „вреди да се разговара со Путин“ за да се отфрлат сите илузии дека е можно Западот да престане да ја поддржува Украина.
Германскиот канцелар рече дека го поканил Путин затоа што смета дека не е добро Вашингтон да биде во редовен контакт со рускиот претседател по изборот на Доналд Трамп за претседател, додека сите европски лидери ја прекинаа комуникацијата со Кремљ, пренесе Ројтерс.