Околу 700 илегални мигранти од бродот Блу скај Ем, кој пловел под знаме на Молдавија пристигнаа денеска во Италија.
Десетици службени возила ги прифатија имигрантите откако утрово пристигнаа во пристаниште на југоисток во Италија.
Претходно беше соопштено дека Грција испратила воен брод, хеликоптер и чамец од Крајбрежната стража за проверка на информации по сигнал за помош од бродот во кој наводно, имало меѓу 400 и 600 имигранти како и вооружени луѓе. Испекцијата не открила никаков проблем.
Според непотврдени информации бродот пред две недели испловил од Турција.
Би-Би-Си јави дека на сателитска снимка се гледа оти бродот остро свртел и се упатил во јужна Италија, а претходно пловел кон хрватското пристаниште во Риека.
Италијанските власти спасија 2.300 луѓе од бродови за време на Божиќните празници, со што бројот на регистрирани имигранти од држави во северна Африка на италијанско тло оваа година ја надмина цифрата од 170.000.