Огромно мнозинство израелски евреи ја поддржуваат офанзивата на својата држава во Појасот Газа, се вели во резултати од анкета. Вкупно 98,5 отсто анкетирани даваат поддршка за воздушната офанзива, а 91,2 отсто ја поддржуваат копнената операција, наведуваат од Унивезитетот во Хаифа од каде е правена анкетата.
Помалку од осум отсто сметаат дека било грешка да се почне кампања во одговор на ракетните напади од Појасот Газа.
Четири отсто се за итно и безусловно запирање на офанзивата.
Повеќето Израелци поддржуваат главно три услови: запирање на ракетните напади од Газа (86 отсто), уништување на тунелите (85 отсто) и разоружување на Хамас (77 отсто). Само 17 отсто поддржуваат идеја за повторно окупирање на Појасот Газа.