Русија продолжува да распоредува сили околу украинската граница, при што речиси половина од борбените групи на Москва моментно ја опкружуваат Украина на 50 километри од границата, тврдат западни официјални претставници.
Официјалните лица на брифинг истакнаа дека Русија задржува „исклучителна сила“ на границата со Украина и има воени трупи за да изврши инвазија врз Украина, додавајќи дека од 14-те борбени групи за кои се претпоставува дека транзитирале кон границата претходно во неделата, значителен број сега пристигнале на предвидената локација.
Покрај трупите, забележана е изградба на понтонски мост во изминатите 72 часа, што тие го опишаа како многу невообичаено и неконзистентно за разлика од некои претходни воени вежби. Тие, исто така, забележаа три дополнителни бродови кои пристигнуваат на пристаништето во Крим и додавање воени возила и хеликоптери во Ваљјуки во југозападна Русија, што е на 25 километри од границата со Украина.
Одговарајќи на извештаите и на украинските вооружени сили и на сепаратистите кои контролираат делови од источна Украина за повторно гранатирање во регионот на Донбас рано денеска, западните претставници истакнаа дека не собрале докази за поддршка на употребата на артилерија.
Извор: МИА