Официјален Лондон ги поддржува воздушните напади врз позиции на ИД во Сирија

Од:

Британската влада ги подржува воздушните напади врз позициите на Исламска држава (ИД) во Сирија,изведени од воената авијација на САД и на пет други арапски земји од регионот на Персискиот Залив и Блискиот Исток,соопшти денеска Даунинг стрит 10.

Портпаролот на кабинетот на британскиот премиер,објасни дека Дејвид Камерон кој ќе присуствува на специјалниот самит на лидерите од светот,во ОН,во следните два дена,посветен на климатските промени,во Њујорк ќе разговара околу тоа како Велика Британија може повеќе да направи во борбата со заканата од припадниците на џихадистите од Исламска држава.

Во Лондон се инсистира дека Британија веќе учествува со „значителна воена поддршка“ во операциите против ИД,вклучувајќи го снабдувањето со оружје на Курдите,како и со набљудување и шпионирање на џихадистичките позиции,што го вршат ескадрили од авионите „Торнадо“ и други воени летала.

Британската опозициона Лабуристичка партија ги подржува акциите на САД и на арапските сојузници,но инсистираат дека ОН и Советот за безбедност треба да донесат резолуција за овие операции.

Даглас Александар кој е министер во лабуристичката влада во сенка,изјави дека ИД се закана не само за блискоисточниот регион,туку и за пошироката мешународна заедница,па затоа лабуристите ја разбираат и ја подржуваат операцијата во Ирак и Сирија.

 – Но,премиерот Камерон,како и американскиот претседател Барак Обама ќе бидат во ОН,што е добра можност да се подготви посебна резолуција за бомбардирање на позициите на ИД, рече Александар,поранешен министер за Европа во владата на Гордон Браун.

Би можело да ве интересира

Британскиот адмирал: На чекор сме од нуклеарен армагедон

Хели: Не треба да постои страв од реториката на Путин

Повеќе од 35.000 мигранти пристигнаа во Велика Британија оваа година

Британците ги бришат џихадистите од Сирија од листата на терористи

Горан Наумовски

Милиони Британци погодени од огромно невреме, десетици илјади останаа без струја

Кремљ: Ударот со хиперсонични ракети е предупредување за Западот