Лансирањето на приватната вселенска ракета „Фалкон 9“ од американската база на воениот аеродром во Кејп Канаверал, е одложено кога е утврдено дека има проблем со еден од ракетните мотори,изјави портпаролот на Спејс Експлорејшн Технолоџи.
Припремите за пробниот лет до достава на товар во капсулата „Драгон“ на Меѓународната вселенска станица се одвивале нормално се додека на компјутерот не бил забележан проблем на еден од моторите. Лансирањето било запрено.
Ако успеат доволно брзо да го отстранат проблемот, ракетата ќе може да биде лансирана на 22-ри мај. Доколку тоа не се случи, тогаш лансирањето на првата приватна ракета ќе биде одложено за средината на јуни.
НАСА се надева дека приватните фирми како Спејс Експлорејшн Технолоџи понатаму целосно ќе го преземат транспортот на астронаути и товар на станицата која кружи околу земјата на висина од 386 километри.