Американски официјални претставници потврдија дека администрацијата на Обама поставува 14 нови одбранбени ракетни системи на територијата на западниот брег на САД. До одлуката доаѓа, според американски официјални претставници, како резултат на напредокот на севернокорејските проектили со голем дострел. Да потсетиме, Северна Кореја истакна дека тие имаат право на “превентивен нуклеарен напад.”
Веста ја потврди американскиот секретар за одбрана, Чак Хејгел. “Причината зошто ние одиме напред со програмата за заштита на татковината е таа што не сакаме ништо да оставиме на случајот. Мораме да бидеме пред сите закани”, рече Хејгел. Новите 14 ракетни системи ќе бидат инсталирани до 2017 година. Ова значи дека вкупниот број на одбрамбени ракетни системи на брегот на САД ќе се зголеми на 44. Трошоците за поставување на дополнителни 14 системи ќе изнесува 1 милијарда долари.