Надворешно-политичкиот одбор на американскиот Сенат даде одобрение на администрацијата на претседателот Барак Обама за војна против екстремистичката група Исламска држава.
Одборот ја одобри резолуцијата, чиј автор е претседавач од редовите на демократите сенаторот Роберт Менендез, со која операциите се ограничуваат на три години, додека ангажирањето на копнените сили е можно само во одредени ситуации.
Тоа беше прво изјаснување во Конгресот со кое се одобруваат воени дејствија на САД против ИД. За одлуката гласаа десет сенатори, а осум беа против.
Во борбата против екстремистите на ИД, Обама се потпираше на одобренија на Конгресот кои поранешниот претседател Џорџ Буш ги користеше да ја оправда воената акција по терористичките напади врз Њујорк и Вашингтон на 11 септември 2001 година.