Околу 33 илјади баратели на азил пристигнаа на главната железничка станица во Минхен од почетокот на овој месец, што е на истото ниво како и во целата 2014 година, соопшти покраинската Влада на Баварија.
Само во средата во пет часот попладне пристигнаа четири илјади бегалци.
Од почетокот на годината, повеќе од сто илјади бегалци минале низ станицата, од каде се префрлени во прифатни центри ширум Германија.
Сојузната Влада соопшти дека очекува 800 илјади луѓе да побараат азил во Германија оваа година.