Еден од најголемите противници на вакцинацијата во Холандија, Робин Франсман, дипломиран политиколог и економист, почина вчера како последица на инфекција со коронавирус.
Според пишувањата на медиумите, 53-годишникот не сакал да се вакцинира и критички се изразувал кон вакцините против Ковид-19 на социјалните мрежи.
Тој на 3 декември објави на Твитер дека е заразен со Ковид-19. „Корона позитивен. Време Беше“, напиша Франсман кој ја основа иницијативата „Закрепнување на Холандија“ („Херстел НЛ“), чии членови се спротивставија на острите епидемиолошки мерки.
Тие на почетокот на годината презентираа план како општествениот живот во Холандија и во време на коронавирусот да се одвива непречено и побараа, меѓу другото, да се воспостават „безбедни зони“ со строги правила за особено ранливите групи, додека надвор од таа зона се да биде повторно можно.
Министерот за здравство Уго де Јонге го отфрли предлогот, тврдејќи дека е „опасен по живот“ за граѓаните.