Од последици на морбили во конгоанската покраина Катанга смртно настрадаа 315 лица, а со вирусот се заразени најмалку 20.000, соопштија денеска ОН.
Се стравува дека бројот на починати е поголем, но за тоа нема документирани докази поради тешкиот пристап на лекари во оддалечените реони, извести Канцеларијата на ОН за координација на хуманитарните акции.
– Епидемијата на морбили во покраината Катанга се влошува и се шири, стои во соопштението на ОН и се додава дека за вакцинирање и лекување на заразените ќе бидат потребни повеќе од 2,4 милиони долари.
Во епидемијата во 2010 и 2011 смртно настрадаа 1.085 лица, а заразени беа 77.000.
Смртноста од последиците од заразата со мирусот морнили во развиените земји е ниска, но во сиромашните и земјите во развој може да се зголеми на 20 отсто, информираат Лекари без граници. Во развиените земји, вакцинирањето на детето против морбили чини околу еден долар.