Руските иследници поднесоа денеска тужба против извршниот директор на руската филијала на банката Сосиете Женерал поради барање мито од 1,5 милиони долари од еден бизнисмен.
Полицијата го уапси извршиот директор Владимир Голубков под обвинение дека од еден бизнисмен барал мито од 1,5 милиони долари во замена за продолжување на рокот на отплата на заемот и потпишување на уште еден заем по поволни услови.
Парите требале да бидат предадени преку потпретседателката на Росбанка, Тамара Пољаничина.
Бизнисменот за тоа ја информирал полицијата, која ја организирала замката. Рускиот истражен комитет соопшти дека поднел обвиненија против Голубков и Пољаничина.
– Голубков и Пољаничина се уапсени додека го примале последниот дел од исплатата од пет милиони рубљи (159 илјади долари), соопштија иследниците.
Максималната казна за ова дело е седум години затвор и голема парична казна.