Очевидци на социјалните мрежи објавуваат видеа од нападот кој властите во Лондон го окарактеризаа како „терористички“, откако напаѓач избоде најмалку две лица во јужниот дел од градот, од кое за едно се тврди дека е во животна опасност.
На едно од објавените видеа на „Твитер“ се гледа како полицијата го ликвидира напаѓачот, за кој се тврди дека на себе имал прикачено некаков уред.
Looks like this was another terror attack in London. Armed officers run away from the attacker after he was shot dead because he had a device strapped to him.
Im sick of this. Time to move out of London.#streatham pic.twitter.com/OHEcez3G7z
— Mark (@markantro) February 2, 2020
„Додека преминував улица видов човек со нож, полицијата го бркаше… Слушнав три истрели и го видовме напаѓачот како лежи на улицата“, велат очевидци за британските медиуми.
Градоначалникот на Лондон, Садик Кан, во врска со денешниот извршен напад во британскиот главен град, изјави дека „нема да им се дозволи на терористите да не раздвојат и да го уништат нашиот начин на живот“, додавајќи дека е во постојан контакт со претставници на локалната власт. Тој изрази благодарност до полицијата за брзата реакција.