Германските гласачи излегоа на општите избори во недела на кои конзервативците се фаворити. Досегашните податоци покажуваат дека излезноста е поголема од пред четири години
Избирачките места ширум Германија беа отворени утрово во 8 часот и штотуку се затворени. Право на глас имаат околу 60 милиони граѓани, кои го избираат новото свикување на Бундестагот.
Објавени се првите излезни анкети, додека првите прелиминарни резултати се очекуваат околу 18 часот и 30 минути.
Според првите резултати од излезните анкети, ЦДУ/ЦСУ се убедливо први, АфД втори, СПД трето.
Во Бундестагот влегуваат и Зелените и Левицата. Либералите и БСВ засега се едвај под прагот, пренесува Дојче веле.
Излезните анкети според јавниот сервис АРД ги покажуваат следните резултати:
СPD 16%
CDU’CSU 29%
Зелените 13,5%
Левицата 8,5%
AfD 19,5%
FDP 4,9%
BSW 4,7%
Излезноста е огромна: 84%.
Овие први резултати обично даваат добар увид за тоа кои се главните победници и губитници на изборите. Конечната распределба на мандатите во Собранието треба да се знае по полноќ.