Американскиот претседател Барак Обама изјави дека недостигаат доволно информации за да се даде зелено светло на експерименталниот лек против смртоносниот вирус Ебола и дека првичниот одговор треба да биде насочен кон мерки во јавното здравство за запирање на вирусот.
– Знаеме дека вирусот Ебола може да биде запрен, ако постои стабилно јавно здравство, изјави Обама и додаде дека погодените земји треба да признаат дека нивните здравствени системи биле неподготвени, бидејќи не успеале да ја идентификуваат болеста и да ги изолираат доволно брзо заболените.
Според најновите податоци на Светската здравствена организација епидемијата на Ебола во Западна Африка однесе 932 жртви од вкупно 1.711 регистрирани случаи на заболени.