Американскиот претседател Барак Обама им рече на војниците дека ќе вложи напори да го натера Конгресот да постигне обновување на работата на владините агенции во САД, колку што е можно поскоро.
Обама се обрати кон војниците во видео порака, откако Конгресот го пропушти крајниот рок, до кој можеше да биде спречен прекинот на работата на владините служби.
Тој им рече на војниците дека нивната служба продолжува во нормален режим и оти потпишал закон, што го гарантира навременото исплаќање на нивните плати.
Според него, операциите во Авганистан и на други места ќе продолжат.
Обама истакна, меѓутоа, дека може да се наложи цивилните службеници на Министерството за одбрана да одат на принуден одмор.