Северна Кореја ќе се соочи со решителен меѓународен одговор, ако изврши нова нуклеарна проба, предупреди американскиот претседател Барак Обама во интервју за јужнокорејскиот весник „Чeoнан Iлбо“.
Обама денеска пристигна во дводневна посета на Сеул, во рамките на својата азиска турнеја, што започна со посетата на Јапонија. Американскиот претседател ќе ги посети и Малезија и Филипините.
Целта на посетата на Обама на Јужна Кореја е да му изрази уверување на Сеул дека САД не се откажуваат од вршењето притисок врз Пјонгјанг за прекин на напорите за создавање на нуклеарно оружје.
Северна Кореја изминатите неколку недели ги засили провокациите, објавувајќи дека подготвува нов нуклеарен тест.
Пјонгјанг досега има извршено три нуклеарни тестирања, во 2006, 2009 и во февруари 2013 година. Ваквите тестови се забранети од ОН.
Обама по пристигнувањето во Сеул положи цвеќе пред Меморијалниот центар на жртвите од Корејската војна.