Американскиот претседател Барак Обама изјави дека републиканските конгресмени автоматски се против иранскиот нуклеарен договор, бидејќи на документот стои неговото име.
Пред гласањето во Конгресот следниот месец, Обама вчера во неколку интервјуа ги отфрли критиките на републиканското мнозинство, додавајќи дека „нивниот отпор кон договорот со Техеран нема ништо заедничко со содржината на документот“.
– За жал голем дел од Републиканската партија, речиси и целото мнозинство од републиканските претставници во Конгресот, ќе бидат против се што правам јас, без разлика што и да е тоа, истакна американскиот претседател.
Засега само 34 демократски членови на Претставничкиот дом се изјасниле дека ќе го поддржат договорот, како и 17 сенатори од Демократската партија.