Американскиот претседател Барак Обама објави синоќа дека ќе издаде наредба до 30 април за повлекување на речиси сите 1.300 американски војници кои се распоредени во западна Африка за борба со епидмијата на ебола.
Во соопштение од Белата куќа се вели дека администрацијата е охрабрена од информациите дека се намалува бројот на заболени во тој регион, но е загрижена поради нови случаи на заболени во Гвинеја.
Околу 100 американски војници ќе останат во Либерија за да продолжат со помош за локалните власти. САД испратија вкупно 2.800 свои војници во западноафрикански држави. Од нив 1.500 се веќе вратени во државата.