Новиот претседател на Парламентарното собрание на Советот на Европа ќе биде избран утре, во првиот ден од есенската сесија во Стразбур.
За таа функција пратениците ќе избираат меѓу Стела Кириадикес од Кипар и Емануелис Зингерис од Литванија.
Новиот претседател ќе биде избран откако Педро Аграмунт одлучи да поднесе оставка на таа функција, изјави во петокот негов портпарол.
Вршител на должноста претседател на ПССЕ сега е потпретседателот Роџер Гејл.
Во крајот на април од ПССЕ соопштија дека усвоиле барање за изјаснување недоверба за Аграмунт во кој веќе немаат доверба поради неговата посета на Сирија. Делегација на руската Дума и ПССЕ на чело со Аграмунт беа во Сирија на 20 и 21 март на повик на претседателот на сириското Собрание Кади Абас. За време на посетата имале и средба со претседателот Башар ел Асад.