Новиот претседател на Демократска Република Конго, Феликс Чисекеди денеска положи заклетва и порача дека земјата нема да биде држава на „поделби, омраза или племиња“.
Досегашниот опозиционер Чисекеди, беше избран за претседател на изборите чии резултатите беа оспорени од неговите кандидати, но и од дел од меѓународната заедница.
Чисекеди изјави дека оваа централноафриканска држава е „на прагот на новата ера“ и повика на една минута молк во знак на сеќавање, како што рече, за соборците кои загинаа борејќи се со децении за демократија.
И покрај тоа што остануваат отворени бројни прашања за регуларноста на изборите одржани на 30 декември, мнозинството граѓани на ДР Конго ја прифатија победата на новиот претседател, во надеж за мир во земјата.
Чисекеди на функцијата го наследи Џозеф Кабила, кој државата ја водеше од 2001 година. Кабила ја повика државата да се обедини во давањето поддршка на новиот лидер.
Ова е прва мирна промена на власта во ДР Конго откако пред 60 години земјата стекна независност од Белгија.