Вулканот Нирагонго на истокот од Демократска Република Конго, еден од најактивните во светот, еруптираше денеска, а жителите од градот Гома кој е во близина бегаат во паника.
Луѓето, со душеци во рацете бегаа кон границата со соседна Руанда.
Вулканологот Дарио Тедеско за Ројтерс изјави дека Гома, град со околу два милиони жители, се чини дека не е во опасност, бидејќи лавата тече кон исток, во правец на границата со Руанда.
„Може да се видат фонтаните со лава“, изјави Тедеско за Ројтерс. Претходно рече дека смета дека лавата ќе дојде во Гома многу брзо, но подоцна тврдеше дека тоа сепак нема да се случи.
Urgent-#Goma : le volcan #Nyiragongo en éruption ! https://t.co/pWR1QThSwL pic.twitter.com/gsXthhP7YK
— GREEN RDC (@GREENRDC) May 22, 2021
Нирагонго последен пат еруптираше во 2002 година кога загинаа 250 лица, а 120.000 останаа без покрив над главата откако лавата се излеа во Гома.
Вулканолозите стравуваат дека вулканската активност евидентирана во последните пет години наликува на она што е забележана во периодот пред страотните ерупции од 1977 и 2002 година.