Новиот министер за надворешни работи на Полска Витолд Вашчиковски ја поздрави соработката меѓу Русија и Западот во борба против групата „Исламска држава“, но истакна дека интересите на Украина не може да бидат жртвувани како награда за Москва.
Вашчиковски нагласи дека санкциите против Русија треба да останат, додека Москва не ги исполни обврските од договорот од Минск за Украина.
– Нема да тргуваме со Украина за помош од Русија во решавање на сирискиот конфликт или во борбата против ИД, изјави тој, додавајќи дека ќе продолжи да бара спроведување на санкциите, бидејќи нема напредок во спроведување на договореното од Минск.
Вашчиковски е дел од новата влада во Варшава.