Украински државјанин е уапсен во Хрватска под сомнение дека е поврзан со подводните експлозии што го оштетија гасоводот „Северен тек“ меѓу Русија и Германија во 2022 година, соопштија германските федерални обвинители, пренесе Асошиејтед Прес.
Украинецот Владимир З., чие целосно име не е објавено во согласност со германските закони за приватност, е уапсен од хрватската полиција во Пула врз основа на европска потерница, објави АП.
Истрагата верува дека осомничениот бил еден од нуркачите што ги поставиле експлозивните направи. Ова го објави германскиот јавен сервис АРД.
Подводните експлозии на 26 септември 2022 година сериозно ги оштетија цевководите изградени за транспорт на руски природен гас до Германија преку Балтичкото Море.
Саботажата дополнително ги засили тензиите околу војната во Украина, во време кога европските земји брзо ја намалуваа својата зависност од руската енергија по почетокот на целосната руска инвазија на Украина.