На југот на филипинскиот архипелаг, на островот Минданао, ноќеска се водеа жестоки борби меѓу армијата и припадниците на МОРО, исламистичкиот бунтовнички фронт, известува филипинската новинска агенција ПНА.
Армиски извор потврдуваат дека во два одделни судири загинале 13 припадници на МОРО фронтот и еден војник, а има и десетици ранети на двете страни. Потврдено е дека има и 11 ранети цивили, кои настрадале од експлозии на гранати.
Ова е прв посериозен судир меѓу филипинската армија и припадниците на МОРО фронтот, кои во мај годинава со владата во Манила потпишаа договор за примирје и наместо отцепување од Филипините побараа широка автономија за областа претежно населена со муслимани. Процедурата за прогласување на автономијата се одвива забрзано, а до сега ни една од страните не пројавила незадоволство од постапките.