Американскиот претседател Доналд Трамп се закани дека САД би можеле да уништат ирански мост или електрана доколку иранските сили нападнат брод во Ормутскиот теснец, објави Би-Би-Си.
Трамп изјави на својата мрежа Truth Social дека потенцијални цели би можеле да бидат објекти лоцирани „во близина на Техеран или во самиот главен град на Иран“.
Според него, одговорот на американската војска би следел по секој напад врз бродови во стратешки важниот воден пат, без оглед на тоа дали нападот бил извршен со ракета, дрон или некое друго оружје.
Заканите на Трамп дојдоа откако САД започнаа напади врз Иран 11-та ноќ по ред. Техеран, исто така, го предупреди Вашингтон да не ги напаѓа неговите нуклеарни објекти.
