Новозеландсакта Влада го поддржа предлогот за укинување на царините во трговијата меѓу Тајван и Нов Зеланд.
Почнувајќи од декември годинава, увозниците од двете држави ќе плаќаат само еден отсто од царината, како административни трошоци, а по 12 години ќе биде укината и таа давачка.
Министерот за трговија Тим Гросер изјави дека очекува значајно зголемување на новозеландскиот извоз во 23 милионскиот Тајван, но и значајни придобивки на домашната индустрија, која без оптоварувања ќе соработува со технолошки понапредните компании од Тајван.
Нов Зеланд планира значително зголемување на извозот на прозводи од млеко и месо, како и јаболка, цреши и вино во Тајван.
Во Велингтон пресметале дека државните буџети на двете земји од овој договор ќе имаат намален приход од околу 50 милиони долари годишно, но зголемен обем на трговската размена и придобивките за економиите на двете држави многукратно ја надминуваат оваа сума.