Најмалку 20 лица загинаа, а десетици се ранети во руски напад врз неколку региони во Украина во текот на ноќта, соопштија украинските власти.
Меѓу повредените има и деца, а најмногу настрадаа Харков и Доњецк.
Нападот дојде откако американскиот претседател Доналд Трамп изјави дека размислува за воведување широки санкции и царини за Русија, која „апсолутно ја „разбива“ Украина на бојното поле.
Трамп претходно ја суспендираше сета американска воена помош за Украина, што вклучува прекин на размената на разузнавачки информации.
Украина продолжи да цели на области во Русија, која пресретна 31 беспилотно летало во текот на претходната вечер, рече рускиот министер за одбрана.