Норвешка затвора до крајот на оваа недела 15 дипломатски претставништва, вклучително амбасадите во Алжир, Египет, Кенија, Мароко и Саудиска Арабија, соопшти синоќа претставник на Министерството за надворешни работи на кралството.
Во следните денови во амбасадите персоналот ќе врши само електронска кореспонденција и ќе одговара на телефонските повици како вообичаено, соопшти Министерството.
По Велика Британија, Германија и Франција, Норвешка исто така го следи примерот на САД, кои во неделата објавија дека времено ги затвора своите амбасади во Африка и Блискиот Исток поради потенцијална терористичка закана.