Десната коалициска Влада на Норвешка се откажа од плановите за воведување национална забрана на питачењето, откако опозициската партија ја повлече поддршката за нацрт-законот за нејзино воведување, јави ДПА.
Малата опозициска Партија на центарот ја повлече поддршката на законот, со што Владата немаше мнозинство во Парламентот.
По неколкудневните полемики кабинетот се откажа од проектот, кој предвидуваше питачењето да го казнува парично или со една година затвор, доколку се извршува од организирани криминални групи.