Украински беспилотни летала го нападнаа руското пристаниште Таганрог, а пожар што избувна по нападот запали танкер, резервоар за гориво и административна зграда, изјави денес гувернерот на Ростовскиот регион, Јуриј Сљусар.
Според прелиминарните информации, нема жртви во нападот врз пристаништето, напиша рускиот гувернер на социјалната мрежа Макс.
Градоначалничката на Таганрог, Светлана Камбулова, објави дека пожарот во пристаништето е изгаснат.
Руските власти соопштија дека за време на ноќниот напад, беспилотни летала погодиле приватна куќа во Таганрог, при што биле повредени две лица.
